Mugikortasuneko, Turismoko eta Lurralde Antolaketako Departamentuak bultzatutako “Hator Hator Gipuzkoara” programan parte hartuko du aurten Gipuzkoako Ostalaritza Elkarteak. Ekimen honen helburua lurraldeko Gabonetako eskaintza ezagutaraztea eta jaietan jarduera turistikoa sustatzea da, ostatuetan, dendetan eta tokiko baliabideetan mugimendu ekonomikoa sortzeko.
Programaren barruan, Gipuzkoako Ostalaritza Elkarteak bi showcooking antolatzen ditu lurraldeko merkatuetan. Bertan, Aitzol Zugazti sukaldariak Gabonetako menuak egingo ditu merkatuko postuetan erositako produktuak erabiliz.
- Larunbata, 2025eko abenduaren 20a, 12:00etan – Zumarragako azoka
- Astelehena, 2025eko abenduaren 22a, 12:00etan – Zarauzko azoka