Gastronomia, pertsonak eta negozioa: esperientziak partekatzeko eta jatetxeen kudeaketa hobetzeko tresna berriak ezagutzeko jardunaldia.
Datorren azaroaren 16an, EKINN Gastro x Barra de Ideas topaketa ospatuko da Donostian. Ostalaritzako profesionalei zuzendutako jardunaldia da, negozioen kudeaketa berrikusteko, lantaldeen talentua sustatzeko eta errentagarritasuna hobetzeko bide berriak aztertzeko.
Jardunaldia Donostia Sustapenak antolatu du, Gipuzkoako Ostalaritza Elkartearen laguntzarekin, eta EKINN Gastro topaketen barruan kokatzen da. Ekimen horren helburua hiriko gastronomia-ekosistemako eragileak harremanetan jartzea eta elkarlanerako guneak sortzea da.
Hitzaldien eta esperientzia praktikoen bidez, egungo ostalaritzaren lau erronka nagusi landuko dira:
- Sormen handiagoko jatetxeak: nortasun gastronomikoa, sukaldaritzako berrikuntza eta abegikortasuna, bereizgarri gisa.
- Pertsonak ardatz dituzten jatetxeak: lidergoa, komunikazioa eta inplikatutako lantaldeak osatzeko gakoak.
- Errentagarritasun handiagoko jatetxeak: aurrekontu-kontrola, erabakiak hartzea eta emaitzak hobetzeko estrategiak.
- Jatetxe eraginkorragoak: digitalizazioa, prozesuen optimizazioa eta baliabideen kudeaketa.
Beste esperientzia batzuk ezagutzeko, sektoreko profesionalekin kezkak eta ikuspegiak partekatzeko eta establezimenduaren egunerokoan aplikatzeko moduko ideiak jasotzeko aukera izango da.
Hitzordua azaroaren 16an, astelehenean, izango da, 9:30etik 13:30era, EKINN eraikinean (San Bartolome Gaina kalea, 16, Donostia).
Parte-hartzea doakoa da, aldez aurretik izena emanda. Plaza kopurua mugatua da.