Gipuzkoako Foru Aldundiak gaur ireki du turismo-enpresen ekintzailetzarako eta digitalizaziorako dirulaguntzak eskatzeko epea. Eskaerak egiteko epea 2024ko maiatzaren 9an amaituko da. Laguntza horiek turismo-sektoreko enpresentzat dira, eta, zehazki, ostalaritzari dagokionez, ostatu-enpresentzat.

XEDEA: Zerbitzuen sorkuntza edota digitalizazioa, eta turismo-produktu berriak sustatzeko eta merkaturatzeko jarduerak

ONURADUNAK:

Norberaren konturako langile fisikoak edo autonomoak, eta10 langile baino gutxiagoko pertsona juridikoen eta mikroenpresenkasuan, forma juridikoa edozein dela ere, ostalaritzako jarduera hauetako bat dutenak:

  • Hotelak
  • Apartamentu turistikoak
  • Kanpinak
  • Nekazalturismoak, landetxeak eta aterpetxeak
  • Etxebizitza turistikoak

DIRUZ LAGUN DAITEZKEEN GASTUAK:

  • Lurraldean turisten mugimendua sortzen duten esperientzia turistiko berritzaile eta jasangarriak sustatzeko eta merkaturatzeko kanpainak.
  • Sustapena edo merkaturatzea hobetuko duten tresna teknologikoak eta berrikuntza-proiektuak garatzeari buruzkoak.

Enpresa onuradun berrien kasuan (2023ko uztailaren 1etik 2024ko azaroaren 30era bitartean sortuak), honako hauek ere lagundu ahal izango dira diruz:

  • Turismoa sustatzeko materiala diseinatzeko, maketatzeko eta itzultzeko gastuak.
  • Enpresa eratzeko eta abian jartzeko gastuak.

DIRU-LAGUNTZA:  7.500 euro eta, enpresa sortu-berrien kasuan, 10.000 euro.

KONTAKTUA. Laguntza horiek eskatu nahi badituzu, Grupo CEI-k lagunduko dizu dirulaguntzaren prozesuarekin eta kudeaketarekin. Informazio gehiago nahi izanez gero edo prozesua hasteko, deitu 943 21 53 64 telefonora.